in PILIPINAS

Volcanic Ashes Na Pormang Magkasintahang Magkayakap Mula Sa Pagsabog Ng Mayon Volcano Naging Usap-Usapan!!!

22.2k Views 0 Votes

Ang Mayon Volcano o Bulkang Mayon ay kasalukuyang nagaalburuto, ito ay pumutok na ng dalawang beses nitong nakaraang linggo at tinatayang nasa mahigit 30,000 katao na ang nagsilikas dahil sa panganib na hatid ng ash clouds at lava flow. Naitala rin ng PHIVOLCS ang ilang bilang ng mga pagyanig na naramdaman sa mga karatig na lugar.

Ang Mayon volcano , na kilala sa buong mundo dahil sa kanyang perfect cone ay may taas na 8,077 feet at isa pinaka-aktibong bulkan sa Pilipinas.

Samantala, isang larawan naman ang nakuhanan ng isang netizen sa pagaalburuto ng Mayon Volcano na kung saan nagpormang magkayakap na dalawang tao ang volcanic ashes. Naging usap-usapan tuloy ang “Alamat ng Bulkang Mayon” dahil sa larawan.

Alamat ng Mayon Volcano
Photo by: Ciriaco Santiago III

Balikan natin ang kwento.

ALAMAT NG BULKANG MAYON

“Noong unang panahon, may isang babaeng nagngangalan Daragang Magayon. Maraming kalalakihan ang nanliligaw sa nasabing dalaga sapagkat siya ay maganda at may makinis
na kutis.

Ayon sa ama ni Magayon na si Rajah Makusog nasa tamang edad na ang dalaga upang magpakasal kung kaya’t pinapayagan na niya ito kung sakaling magpasya ang dalaga na
makipag-isang dibdib. Ngunit si Magayon ay wala pang napipili mula sa kanyang mga manliligaw. Magpapakasal lang daw siya sa taong kanyang iniirog.

Isang araw habang naliligo si Magayon sa ilog, siya ay nadulas at nahulog sa malalim na parte nito. Hindi marunong lumangoy ang dalaga. Mabuti na lamang at nakita siya ni Panganoron at  iniligtas ang dalaga.

Si Panganoron ay ang matapang na anak ni Rajah Karilaya. Nangangaso siya noong araw na iyon nang marinig niya ang iyak ni Magayon. Mabilis na tumalon ang matapang na mandirigma upang iligtas ang dalaga.

Nabighani si Panganoron sa ganda ni Magayon kung kaya’t niligawan niya ang dalaga. Gayundin si Magayon ay napa-ibig sa matapang na lalakeng nagligtas sa kanya. Di kalaunan ay ipinahayag ang pag-iisang dibdib ng
dalawa sa buong kaharian.

Subalit, si Pagtuga, isang masugid na manliligaw ni Magayon, ay naka-isip ng paraan upang hindi matuloy ang kasal. Binihag niya ang ama ni Magayon na si Rajah Makusog at hindi raw niya ito pakakawalan kundi papayag si Magayon na pakasal sa kanya. Dahil mahal ni Magayon ang kanyang ama, wala siyang magawa kundi pumayag sa kondisyon ni Pagtuga.

Nagpunta ang dalaga sa lugar ni Pagtuga upang ibigay ang sarili upang pakawalan nito ang kanyang ama. Napag-alaman ni Panganoron ang ginawa ni Magayon. Tinipon nito ang kanyang mga matatapang na mandirigma upang iligtas ang mag-ama laban kay Pagtuga.

Isang malaking digmaan ang naganap sa pagitan ng dalawang kampo. Nanaig si Panganoron laban kay Pagtuga at napatay niya ito. Noong makita ni Magayon na napatay ng kanyang kasintahan ang kalaban ay dali-dali itong tumakbo patungo kay Panganoron.  Ngunit bago pa man magkalapit ang dalawa ay isang ligaw nasibat ang tumusok sa likod ni Magayon. Habang bumagsak si Magayon ay tinaga naman sa likod si Panganoron ng mandirigma ni Pagtuga. Nakita ni Rajah Makusog ang nangyari. Sinundan nito ang taong pumatay kay Panganoron at pinaslang ito.

Nang matapos ang digmaan, iniuwi ng Rajah ang walang buhay na katawan nila Magayon at Panganoron. Humukay ito at inilibing na magkasama ang magkasintahan.

Ilang araw ang lumipas ng mapansin ng mga taong bayan na ang libingan ay tumaas.

Lumaki ang libingan at ang lupa ay naghugis apa. Tinawag ito ng mga taong bayan ng Mayon mula sa kanilang magandang prinsesang si Magayon. Kung minsan maririnig ang Mayon na dumadagundong at lumilindol, ayon sa mga tao ito ang patunay ng pagmamahalan nila Magayon at Panganoron.(Source: Southern Area International Language Network/Corazon Simpson)

Alamat ng Mayon Volcano

Barako Logo
 | Website |  + posts

Barako PH is a Batangas-based digital marketing platform under Boomer Events and Production. The brand was created to promote and support local businesses in the Philippines through online marketing tools and services. Barako PH offers a wide range of services including website design and development, SEO, social media marketing, and online advertising. The company also provides a platform for businesses to connect with their customers and promote their products and services. Barako PH is committed to providing the best possible service to its clients and helping them grow their businesses.

What do you think?

0 Points
Upvote Downvote

Written by Barako PH Writers

Barako PH is a Batangas-based digital marketing platform under Boomer Events and Production. The brand was created to promote and support local businesses in the Philippines through online marketing tools and services. Barako PH offers a wide range of services including website design and development, SEO, social media marketing, and online advertising. The company also provides a platform for businesses to connect with their customers and promote their products and services. Barako PH is committed to providing the best possible service to its clients and helping them grow their businesses.

Leave a Reply

Your email address will not be published. Required fields are marked *

GIPHY App Key not set. Please check settings