ANG BAGONG BARYA: New Generation Currency Coin Series Inilabas Na ng Bangko Sentral ng Pilipinas!!!

by Barako PH Writers 2018-March-27, 02:06 26.5k Views 0 Votes

Ang Bagong Barya: New Generation Currency Coin Series

Pormal ng Inilabas ng (BSP) Bangko Sentral ng Pilipinas nitong Lunes ang pinakabagong Philippine coins o barya.

Ito ay mas kilala ngayon sa tawag na New Generation Currency (NGC) Coin series.

Ang bagong disenyo ng barya ay itinatampok pa rin ang tatlong bayani ng Pilipinas na sina Apolinario Mabini, Andres Bonifacio, at Jose Rizal.

Bukod dito ay itinatampok din ang mga halaman na tanging sa ating bansa lamang matatagpuan sa kabilang bahagi ng mga mulay (barya).

Dinagdagan rin ito ng security enhancements at bagong uri ng sangkap na metal ayon sa BSP.

Ang mga micro-printed details ay ginamitan ng laser-engraving technology para sa P10 and P5 barya na siyang mas lalong magpapatigas at magpapahirap para sa mga baryang ito na mapeke.

Nickel-plated steel naman ang ginamit na metal para mas maging corrosion resistant ang barya.

New Generation Currency Coin Series

SAMPUNG PISO (PHP10.00)

Ang bagong Sampung piso (PHP10) ay itinatampok si Apolinario Mabini at Kapa-kapa plant na may scientific name na Medinilla magnifica.

LIMANG PISO (PHP5.00)

Samantala, kapansin-pansin na napalitan ni Andres Bonifacio si Emilio Aguinaldo na siyang itinatampok ngayon sa Limang Piso kasama ang Tayabak plant (Strongylodon macrobotrys)

PISO (PHP1.00)

Ang Pamabansang bayani na si Jose Rizal ay mananatiling nasa baryang Piso(PHP1.00) kasama sa likuran nito na nakatampok ang Waling-waling (Vanda sanderiana).

Samantalang ang bente-singko sentimos, singko sentimos, at 1 sentimo ay itinatampok naman ang 3 bituin at araw sa watawat ng Pilipinas (3 stars and a sun) katambal pa rin ang mga natatanging halaman.

BENTE SINGKO SENTIMOS (25 centavos)

Para sa bente-singko sentimos tatlong bituin at araw sa watawat at sa likuran nito ay ang Katmon flower (Dillenia philippinensis).

SINGKO SENTIMOS (5 Centavos)

Para sa singko-sentimos ay ang tatlong bituin at araw sa watawat at nasa likuran naman nito ang Kapal-kapal Baging plant (Hoya pubicalyx).

ISANG SENTIMO (1 Centavo)

Para sa Isang Sentimo ay tatlong bituin at araw sa watawat pa rin at sa likuran naman nito ay ang Mangkono plant (Xanthostemon verdugonianus)

Ayon sa BSP tinatayang nasa 139.5 milyon ng New Generation Currency (NGC) coin series ang inilabas para sa inisyal ng paglalabas ng bagong barya.

Samantala, ang mga lumang barya ay maaari pa ring gamitin kasabay ng NGC coin series sa pang-araw araw na transakyon hanggang sa ipahayag ng BSP ang “demonetization o pagsasawalang bisa ng mga barya.(Source: BSP)

Barako PH Writers

Boomer Events and Production | Website | + posts

Barako PH is a Batangas-based digital marketing platform under Boomer Events and Production. The brand was created to promote and support local businesses in the Philippines through online marketing tools and services. Barako PH offers a wide range of services including website design and development, SEO, social media marketing, and online advertising. The company also provides a platform for businesses to connect with their customers and promote their products and services. Barako PH is committed to providing the best possible service to its clients and helping them grow their businesses.

What do you think?

0 Points

Upvote Downvote

Written by Barako PH Writers

GIPHY App Key not set. Please check settings

ANG BAGONG BARYA: New Generation Currency Coin Series Inilabas Na ng Bangko Sentral ng Pilipinas!!!