in BATANGAS

BATANGAS: Region 4A-CALABARZON Nakapagtala Ng 4.8% Na Paglago Sa Ekonomiya Noong 2016

34.1k Views 0 Votes

Cavite, Laguna, Batangas, Rizal, at Quezon. Source: Google maps

Nanatiling pangalawa ang Region 4A-CALABARZON sa pinakamalaking contributor sa Gross Domestic product (GDP) ng bansa sunod sa National Capital Region (NCR) nitong nagdaang taong 2016.

Nakapagtala ng 4.8% sa paglago ng ekonomiya nitong 2016 ang rehiyon na bahagyang bumaba ng isang porsyento mula sa 5.8% na naitalang paglago noong 2015. Matatandaan na ang taong 2016 ay taon rin ng transition mula sa Aquino administration patungong Duterte administration.

Ang tala ay base sa ulat na ipinahayag ni Philippine Statistics Authority (PSA) 4A-CALABARZON Regional Director Charito Armonia mula sa naisagawang 2016 Report on the Regional Economy News Conference na ginanap sa NDN Grand Hotel, Sto.Tomas, Batangas noong May 4, 2017.

Ayon sa ulat ni Bhaby De Castro ng Batangas PIA, tatlong sektor umano ang pinagbabatayan sa paglago ng ekonomiya at ito ay ang Agriculture, Hunting, Forestry and Fishing na may 5.5%; Industry sector na may pinakamalaking bahagi sa paglago na umabot sa 61.4% at ang Services sector na may 33.2%.

Cavite, Laguna, Batangas, Rizal, at Quezon. Source: Google maps

Bagamat pinakamalaking bahagdan ay mula sa industry sector, malaking bahagi ng sub-industry nito tulad ng manufacturing, construction at mining and quarrying kung saan kapuna-puna ang pagbaba ng paglago sa taong 2016 kung ikukumpara sa taong 2015. Isa umanong nakikitang dahilan dito ay ang mga election ban na naranasan lalo na at may mga limitasyon lalo na sa construction sector.

Ngunit sa kabila nito malaki at mabilis umano ang pagtaas ng Electricity, Gas at Water Supply (EGWS) sub-industry na may 7.5%  kumpara sa 6.8% na paglago noong 2015.

Tumaas naman ang paglago ng services sector mula sa 6.7% (2015) ay naging 7.2%(2016). Ilan umano sa mga sanhi nito ay ang paglago din ng mga sub-industry tulad ng Financial Intermediation; Public Administration and Defense; Compulsory Social Security; Real Estate, Renting and Business Activities at Transport, Storage and Communication.

Bumaba ng 0.1% mula sa 9.7%(2015) ay naging 9.6% (2016) ang Other Services sub sector. Gayundin ang Trade and Repair of Motor Vehicles, Motorcycles, Personal and Household Goods sa 5.7%(2016) mula sa 6.9% (2015).

Ayon kay National Economic and Development Authority (NEDA) 4A-CALABARZON Regional Director Luis G. Banua, ilan sa mga challenges na nagiging sanhi ng pagtaas o pagbaba ng naitatalang paglago ng ekonomiya sa rehiyon ay ang maayos na pagpasa ng traffic management plan, competitiveness, academe-industry linkages upang maiwasan ang job mismatch, investment promotion, pagkakaroon ng migration center, pagpapataas ng operasyon sa Batangas Port at pagpapataas pa ng antas ng mga aktibidad sa rehiyon.

Samantala base naman sa pahayag ni Wilma Villafuerte, OIC, Civil Registration and Administrative Services Division PSA IV-A ay dapat pa rin umano tayong matuwa sapagkat malaking bahagi ng rehiyon ang maituturing na malaking kontribusyon sa paglago ng gross regional domestic product. (Source: PIA-Batangas Bhaby De Castro) 

Barako Logo
 | Website |  + posts

Barako PH is a Batangas-based digital marketing platform under Boomer Events and Production. The brand was created to promote and support local businesses in the Philippines through online marketing tools and services. Barako PH offers a wide range of services including website design and development, SEO, social media marketing, and online advertising. The company also provides a platform for businesses to connect with their customers and promote their products and services. Barako PH is committed to providing the best possible service to its clients and helping them grow their businesses.

What do you think?

0 Points
Upvote Downvote

Written by Barako PH Writers

Barako PH is a Batangas-based digital marketing platform under Boomer Events and Production. The brand was created to promote and support local businesses in the Philippines through online marketing tools and services. Barako PH offers a wide range of services including website design and development, SEO, social media marketing, and online advertising. The company also provides a platform for businesses to connect with their customers and promote their products and services. Barako PH is committed to providing the best possible service to its clients and helping them grow their businesses.

Leave a Reply

Your email address will not be published. Required fields are marked *

GIPHY App Key not set. Please check settings