Tanduay Athletics Batangas Nagpakitang Gilas Sa Maharlika Pilipinas Basketball League

by Barako PH Writers 2018-February-02, 14:17 34.1k Views 0 Votes

TANDUAY ATHLETICS BATANGAS

Sa kalulunsad lamang na Maharlika Pilipinas Basketball League (MPBL) na pormal na nagbukas nitong January 25, 2018 ay umarangkada na ang 10 koponan na kalahok mula sa iba’t ibang rehiyon sa Luzon.

Ayon sa tagapagtaguyod ng MPBL regional basketball league na si Sen. Manny Pacquiao layunin nila na mabigyan ng pagkakataon ang mga mahuhusay na manlalaro na maipamalas ang kanilang husay sa larong basketball.

Inaasahan din na sa kalaunan ay lalawak pa ang sakop ng liga mula sa Luzon hanggang sa Visayas at Mindanao.

Ang pagkabuo ng isang malaking liga kagaya ng MPBL ay maituturing na isang malaking hakbang para sa pagpapaunlad ng industriya ng sports sa bansa.

Ang mga koponan ay suportado rin ng ilan sa mga malalaki at kilalang kumpanya sa bansa na nagsisilbing katuwang ng mga ito.

Hindi kaila na ang mga Batangueño ay likas na magilas pagdating sa basketball. Kaya hindi na nakakapagtaka na tayo ay mapabilang sa MPBL.

Ang Tanduay Athletics Batangas na kumakatawan sa gilas ng Batangueño ay pagmamayari ng local government of Batangas City.

Sa kakatapos lamang na laro noong Enero 27, 2018 sa Muntinlupa Sports Complex, kung saan ay naging mainit ang gitgitan ng Tanduay Athletics Batangas laban sa Valenzuela Classics, sa third quarter ay tuluyang bumulusok ang hangarin ng koponan na makalamang.

Nagtapos ang nasabing laro sa score na 73-65 at nagwagi ang Tanduay Athletics Batangas sa kanilang kauna-unahang laro.

Pinangunahan nina former PBA players Val Acuna na (18 points) ng San Mig Coffee, at Lester Alvarez (14 points/3 rebounds/3 assists) KIA Picanto ang koponan. Samantalang nagpakitang gilas din si Bernabe Teodoro ng 13 points, 3 assists.

At sa darating na Pebrero 3, 2018 ay muling magpapakitang gilas ang Tanduay Athletics Batangas laban naman sa Bataan Defenders na pinangungunahan ni El Granada Gary David.

Umaatikabong bakbakan ang masasaksihan ng mga Batangueño ng LIBRE!!!. Ito ay magaganap sa Batangas City Coliseum – Poblacion, Batangas City 7PM onwards.

Barako PH Writers

Boomer Events and Production | Website | + posts

Barako PH is a Batangas-based digital marketing platform under Boomer Events and Production. The brand was created to promote and support local businesses in the Philippines through online marketing tools and services. Barako PH offers a wide range of services including website design and development, SEO, social media marketing, and online advertising. The company also provides a platform for businesses to connect with their customers and promote their products and services. Barako PH is committed to providing the best possible service to its clients and helping them grow their businesses.