IKA-186 FOUNDING ANNIVERSARY NG IBAAN, IPINAGDIWANG!!!
Les KuH Liem Bo Festival- Ipinagdiwang ng mga Ibaeños ang ika-186 Founding Anniversary ng bayan ng Ibaan kahapon, ika-11 ng Pebrero.
Ang pagdiriwang na may temang “IBAAN: KAHAPON. NGAYON. BUKAS.” ay sinimulan ng misa sa ganap ng ika-2 ng hapon sa mismong parokya ng bayan.
Bahagya mang naantala ang programa dahil sa mangilan-ngilang patak ng ulan, hindi pa rin natinag ang mga Ibaeños na ituloy ito.
Sentro ng nasabing pagdiriwang ang “Les KuHLiem Bo Festival” kung saan ipinakita ang mga pangunahing produkto ng Ibaan tulad ng tamaLES, KUlambo, Habi, LIEMpo, at tuBO.
Bahagi ng programa ang parada na pinangunahan ng sayaw ng kampeon sa “2017 Street Dancing Competition” mula sa Saint James Academy kasama ang mga opisyales at empleyado ng munisipyo.
Sinundan ito ng sabayang bangehan ng liempo sa kahabaan ng kalsada sa tapat ng parokya na kinabilangan ng 24 na barangay kabilang ang Bago, Balanga, Bungahan, Calamias, Coliat, Dayapan, Lapu-lapu, Lucsuhin, Mabalor, Matala, Munting Tubig, Palindan, Pangao, Panghayaan, Poblacion, Quilo, Sabang, Salaban I, Salaban II, San Agustin, Sto. Niño, Talaibon, at Tulay. Lumahok din sa ihawan ang St. James the Greater Parish Church at Local Government Unit ng Ibaan. Kung saan ang bawat kalahok ay nag-bange ng tig-10 kilong liempo.
Matapos ang masayang bangehan, sinundan ito ng isang masarap na “bistro night” kung saan nagkaroon ng libreng barikan na ginanap sa B.R Medrano Memorial Plaza na sinimulan sa ganap na ika-7 ng gabi.(Source: Angela Toh,BarakoPH)
Read more: BATANGAS
Barako PH is a Batangas-based digital marketing platform under Boomer Events and Production. The brand was created to promote and support local businesses in the Philippines through online marketing tools and services. Barako PH offers a wide range of services including website design and development, SEO, social media marketing, and online advertising. The company also provides a platform for businesses to connect with their customers and promote their products and services. Barako PH is committed to providing the best possible service to its clients and helping them grow their businesses.
GIPHY App Key not set. Please check settings