JAYJAY HELTERBRAND POSIBLENG MAGLARO PARA SA BATANGAS CITY ATHLETICS-TANDUAY
Tinitingnan ngayon ng Maharlika Pilipinas Basketball League (MPBL) inaugural champion na Batangas City Athletics-Tanduay ang posibilidad na papaglaruin sa kanilang koponan si former PBA MVP JayJay Helterbrand para sa pag-uumpisa ng susunod na MPBL season ngayong Hunyo.
Si Jayjay Helterbrand na kilala bilang “The Fast” ay naging Most Valuable Player (MVP) noong 2009 na naglaro sa pinakasikat na basketball team sa buong Pilipinas na Barangay Ginebra. Nagretiro siya matapos na makuha ang kampeonato noong 2017 PBA Governor’s Cup.
Bago pa man pumasok sa PBA noong taong 2000 ay naglaro muna para sa Batangas Blades si Jayjay sa ligang Metropolitan Basketball Association(MBA).
Sa isang panayam kay Batangas City Athletics-Tanduay Team Manager Dondon Dimacuha tinitingnan umano nila ang posibilidad na papaglaruin si Helterbrand sa Batangas. Aniya nasa kondisyon pa rin umano at aktibong aktibo ang manlalaro na naglaro pa kamakailan sa Malolos Agilas sa Republica Cup.
Inamin ni Dimacuha na pasok pa umano sa budget ng Tanduay Athletics ang magdagdag pa ng manlalaro na nasa kalibre ni Helterbrand.
Bukod dito ay mawawalan ng 2 key players ang koponan sa katauhan ni Bong Quinto at Mark Olayon dahil babalik na ang mga ito para sa kanilang college school teams na kasabay ng paguumpisa ng ikalawang conference ng MPBL.
Ayon naman kay Batangas-Tanduay Athletics owner Bong Tan ay kanila umanong kinokonsidera ang posibilidad na kuhanin si Helterbrand subalit hindi pa raw sila nakakapag-usap nito ng personal tungkol dito.(Source: Spin.ph)
Jayjay Helterbrand Highlights
Read more: BATANGAS CITY ATHLETICS- TANDUAY
Barako PH is a Batangas-based digital marketing platform under Boomer Events and Production. The brand was created to promote and support local businesses in the Philippines through online marketing tools and services. Barako PH offers a wide range of services including website design and development, SEO, social media marketing, and online advertising. The company also provides a platform for businesses to connect with their customers and promote their products and services. Barako PH is committed to providing the best possible service to its clients and helping them grow their businesses.
GIPHY App Key not set. Please check settings